என் பார்வையில்..

மகள் பிறந்தால் என் காதலியின் பெயர்! மகன் என்றால் உந்தன் காதலனின் பெயர்! எதற்கு? போலச் செய்தலொன்றும் போர்க் குற்றமில்லை பரிசுத்தமான பேரன்பின் பரந்த வெளியில் விட்டுச் சென்ற நேசங்களை உரமாக்குவோம் அதே காதலன் / காதலியாகிட சாத்தியமில்லை அதனிலும் மேலான அன்பில் திளைப்பது சாத்தியம் அன்பு எல்லையற்றது அன்பு விதிகளற்றது அன்பின் தேவையானது இன்னொரு அன்பு மட்டுமே

காலத்துக்கும் வருத்தும் தகுந்த சூழலில் செய்யாதவொன்று ஆயுசுக்கும் தொடர்ந்து நெருஞ்சி முள்ளாய் குத்துமொன்று சொல்லப்போனால் எங்கோ ஒரு மூலையில் ஆன்மாவை இன்னும் உயிர்ப்போடு வைத்திருக்குமொன்றுக்கு அன்பின் மனப்பிறழ்வு என்று பெயர்