நான் மறந்துவிடுவேன்

யாரும்‌ ரசிப்பதற்குள்

நான் ரசித்திட வேண்டும்

யாரும் கருத்திடுவதற்குள்
நான் கருத்திட வேண்டும்

யாரும் எழுதிடுவதற்குள்
நான் பதிவிட வேண்டும்

யாரும் சொல்வதற்குள்
நான் சொல்லிவிட வேண்டும்

இப்படி முனைப்புடன் செயல்படுபவன்
ஆனாலென்ன
வந்த வேகத்தில் தொலைத்து
அடைந்த சுகத்தில் அலுத்து
யாரும் மறப்பதற்குள்
நான் மறந்துவிடுவேன்
என்னையும் சேர்த்து

கார்த்திக் பிரகாசம்...