அப்பா என்ற ஓர் பதம்

நண்பனின் அப்பா இறந்துவிட்டார்
கைகள் நடுங்குகின்றன
குழிக்குள் சிக்கியதாய் தொண்டை
நகர முடியாமல் திணறக்
கண்கள் குளமாகின்றன
உள் வாங்கிய மூச்சு
உள்ளுக்குள்ளே ‌அடைப்பதால்
சுவாசிக்கச் சிரமமாய் இருக்கிறது
அவரை‌ பார்த்ததில்லை
அவரிடம் பேசியதில்லை
நொடியேனும் பழகியதில்லை
ஆனாலும் இத்தனைக்கும் காரணம்
'அப்பா'‌ என்ற ஓர்
பதமே

கார்த்திக் பிரகாசம்...