அடுத்த நிறுத்தம்

துணையை மட்டும் நம்பிய 

போகும் இடம் அறியா 

ஏதிலி நான்
எங்கே போகிறதென்று
எனக்குத் தெரியாது
அவசரத்தில் வெவ்வேறு பெட்டிகளில் ஏறிவிட்டோம்
பெட்டிகளில் நாங்கள் மாறி ஏறிய சமாச்சாரம்
இரயிலுக்குத் தெரிந்திருக்க நியாயமில்லை
அதன் போக்கில் வேகம் குறையாமல் செல்கிறது
என் பயத்தைப் புசித்தவாறு
அடுத்த நிறுத்தத்தில் இறங்கி
துணை இருக்கும்
பெட்டிக்கு மாறிக் கொள்
என்றவாறே நகர்கிறார்கள்
அருகிலிருப்பவர்கள்
போகும் இடமே அறியாத
பாதையைத் தொலைத்தவளுக்கு
அடுத்த நிறுத்தம் எப்படி
தெரியும்

கார்த்திக் பிரகாசம்...