நன்றிச் சொல்ல வேண்டி

வட சென்னையைச் சேர்ந்த சிறுவர்களின் கல்விக்காகவும், கல்விச் சார்ந்த பிற தேவைகளுக்காகவும் நெருக்கமான நண்பர்களிடம் உதவிக் கேட்டு குறுஞ்செய்தி அனுப்பி இருந்தேன். ஒருவர் கூட மறுப்புச் சொல்லவில்லை. மறுகேள்விக் கேட்காமல் தங்களால் இயன்றதை உடனே அனுப்பி வைத்தனர். அவர்களுக்கு நன்றிகள் கோடி. மேலும் அவர்கள் வைத்திருக்கும் நம்பிக்கைக்கு நான் என்றும் கடமைப்பட்டவனாவேன்.

சேரிவாழ் பிள்ளைகளின் கல்விக்காகவும், அவர்களை சமூகத்தில் நல்வழிப்படுத்தவும் அம்பேத்கர் மன்றங்களின் உதவியுடன் "திரு. பாஸ்கர்" அவர்களின் மேற்பார்வையில் வட சென்னையைச் சுற்றி பதினைந்து முதல் இருபது இடங்களில் சிறுவர்/சிறுமியர்களுக்கு மாலை நேர வகுப்புகள் நடத்தப்படுகின்றன. மேலும் வருடாவருடம் கோடைக் கால சிறப்பு வகுப்புகள் நடத்தப்பட்டு அவர்களுக்கு பரிசுகளும் வழங்கப்படுகின்றன.

இந்தாண்டு பங்குபெற்ற பிள்ளைகளுக்கு பரிசுகள் வழங்குவதற்காவும், அவர்களுக்கு தன்னார்வமாக வகுப்பெடுத்த மாணவ ஆசிரியர்களை ஊக்குவிப்பதற்காகவும் நண்பர்களிடம் நிதியுதவி வேண்டியிருந்தேன்.

நண்பர்களின் மூலம் மொத்தம் "பதினாறாயிரம் ரூபாய்" ( ரூ. 16,000) இரண்டு நாட்களில் வசூலிக்கப்பட்டது.

மாணவ ஆசிரியர்களின் சமூக எண்ணங்களைத் தூண்டும் விதமாகவும், அவர்களுக்கு மனிதம், அரசியல், பொருளாதாரம் மற்றும் சமூக உரிமைகள் பற்றிய விழிப்புணர்வை ஏற்படுத்தி, அவ்விழிப்புணர்வின் மூலம் சமூகம் பற்றிய புரிதலை அடுத்த தலைமுறையினருக்குக் கடத்துவதற்காக "அம்பேத்கர், பெரியார்" ஆகியோரின் கருத்துகளும் அவர்களின் சமூக நீதிச் சொல்லும் புத்தங்கங்களும், "கம்யூனிச கோட்பாடுகள்" குறித்த புத்தங்கங்களும் மற்றும் இன்னும் பிற புத்தங்கங்களும் பரிசாக வழங்கப்பட்டன. போக மீதம் பன்னிரெண்டாயிரத்து ஐந்நூறு ரூபாய் (ரூ. 12,500) ரொக்கம் பிள்ளைகளின் பரிசுகளுக்காக வழங்கப்பட்டது.

பரிசளிக்கப்பட்ட புத்தங்களின் பட்டியல் 1. சாதியை அழித்தொழிக்கும் வழி (அம்பேத்கர்) 2. பெண் ஏன் அடிமையானாள்.? (பெரியார்) 3. கம்யூனிசத்தின் கோட்பாடுகள் (ஏங்கெல்ஸ்) 4.அரசியல் பழகு (சமஸ்) 5. துரோகச் சுவடுகள் (வெ. இறையன்பு) 6. பெரியார் ஒளிமுத்துக்கள் 7. காமராஜர் ஒரு சரித்திரம் (முருக தனுஷ்கோடி) 8. துணிந்தவனுக்கே வெற்றி (ஜான் கேன்பீல்ட்) 9. +2 வுக்குப் பிறகு என்ன படிக்கலாம் (கே.சத்தியநாராயணன்) 10. எமோஷனல் இன்டெலிஜென்ஸ் (சோம.வள்ளியப்பன்) 11. உலகை மாற்றிய புரட்சியாளர்கள் (மருதன்) 12.தாய் (மாக்ஸிம் கார்க்கி) 13. புரட்சியாளர் அம்பேத்கர் புத்தமதம் மாறியது ஏன்.? (ம. வெங்கடேசன்) 14. நான் மலாலா (மலாலா யூசுப்ஸை) 15. பெரியார் வாழ்க்கை வரலாறு (சாமி.சிதம்பரனார்) 16. அம்பேத்கர் (ஆர்.முத்துக்குமார்) 17. பெரியார் (ஆர்.முத்துக்குமார்) 18. அம்பேத்கர் வாழ்வும் பணியும் (என்.ராமகிருஷ்ணன்) 19. என் தந்தை பாலைய்யா (ஒய்.பி. சத்யநாராயணா) 20. லஜ்ஜா அவமானம் (தஸ்லீமா நஸிரீன்)

நிதியுதவி அளித்து உதவிய நண்பர்களின் பட்டியல் (பணம் கிடைத்திட்ட கால வரிசைப்படி) 1. கீர்த்தி 2. ராஜ பாண்டி 3. மணிகண்டன் 4.ராஜ் 5.வைஷ்ணவி 6.ஜெப் 7.திவ்யா 8.வெங்கடேஷ் குமார் 9.அருள்மணி 10.ரமேஷ் 11.ஜாகிர் 12.பாக்கியா 13.சிவதாஸ் 14.ஐஸ்வர்யா 15.கார்த்திக் 16.சரவணன் 17.பூபதி 18.சக்ரவர்த்தி 19.ப்ரீத்தி 20.சுஜாநந்த் 21.ஷெரிப் 22.ஆதிரா 23.ஜெகதீஸ் 24.பவ்யா

நண்பர்களின் உதவியையும், ஆதரவையும் தொடர்ந்து எதிர்நோக்குகிறேன்.

கார்த்திக் பிரகாசம்...