புத்தாண்டு வாழ்த்துக்கள்...!!!

பெரிய பெரிய ஹோட்டல்கள், மால்கள், வணிக கடைகள் அபார்ட்மெண்ட்கள் எல்லாம் சீரியல் பல்புகளில் தலைக்கு குளித்து தயாராக இருக்கின்றன...!!!

ஜல்லிக்கட்டு தடை, ஆசியா கப் 20-20 இந்தியா வெற்றி, மக்கள் நலக் கூட்டணி, ஸ்வாதி படுகொலை, ராம்குமார் தற்கொலை, உடுமலை பேட்டை ஆணவக் கொலை, தமிழக சட்டமன்ற தேர்தல், அதிமுக தொடர்ந்து இரண்டாவது முறையாக வென்று வரலாற்றுச் சாதனை, பாரா ஒலிம்பிக்கில் மாரியப்பன் தங்கம், பியூஸ் மானுஸ் கைது, நா.முத்துக்குமார் மரணம், காவிரி பிரச்சனை, ஒலிம்பிக்கில் சிந்து வெள்ளி, பணமதிப்பு நீக்கம், எந்திரன் 2.0 முதல் பார்வை வெளியீடு, வர்தா புயல், ஜெயலலிதா மரணம், ஓபிஎஸ் மீண்டும் முதல்வர், சோ மரணம், தமிழக தலைமைச் செயலாளர் வீட்டில் வருமானவரித் துறை சோதனை, மக்கள் நலக் கூட்டணியில் இருந்து வைகோ விலகல், சசிகலா அதிமுக பொதுச் செயலாளராகத் தேர்வு, எனக்கு வேலைக் கிடைத்தது மற்றும் இன்னும்பல தமிழக நிகழ்வுகளை தன் சட்டைப் பையில் போட்டுக் கொண்டு கிளம்பத் தயாராகிவிட்டது 2016...!!!

நேற்று நடந்த நிகழ்வுகள் இன்று நினைவுகளாக மாறுவது போல 2016 பல நினைவுகளைத் தந்துள்ளது. அதில் நல்ல நினைவுகளைப் பொக்கிஷமாக்குவோம். கெட்ட நினைவுகளைக் கடக்க முயற்சிப்போம். துக்க நினைவுகளை (கழிவுகளை) 2017ம் ஆண்டிற்கு உரமாயிடுவோம். அதில் நல்ல நிகழ்வுகள் பூக்களாய் பூக்கட்டும்.

கார்த்திக் பிரகாசம்...